တိုက်ရေယာဉ် ၁၀၃ (မောင်သော်က) “ကဲ ကဲ ဗိုလ်စောဦးကစ ခင်ဗျားက လက်ဝဲလက်မကိုစုပ်၊ နောက် ဘယ်ဘက်ကစပြီး တစ်ယောက်စီ လက်ညှိုး၊ လက်ခလယ်နှင့် လက်သန်းကြွယ် ရတဲ့လူတွေက တစ်ချောင်းကို မျှစုပ်ကြကွာ၊ လက်ချောင်း မရတဲ့လူတွေက လက်ဝါးကို လျက်၊ ညာဖက် လက်မတော့ ကိုယ့်ဖို့ထားကြ” သူတို့အားလုံးသည် ခွေးသာအုပ်မကြိး၏ နို့အုံကို ခွေးကလေးများ ဝိုင်းတွယ်စို့သည့် ပမာ ကျွန်တော့် လက်ချောင်းများကို တစ်ယောက်တစ်လှည့် ဝိုင်းလျှက်ကြသည်။ အားလုံး ကုန်စင်မှ ယာဖက်လက်မကို ကျွန်တော်စုပ်ရသည်။ ကျွန်တော့် လက်ချောင်းများနှင့် လက်ဝါးပြင်သည် ရေဆေးရန်ပင် မလိုတော့ပါ။ ခွေးလျက်သည်ကမှ အစအန ကြွင်းကျန်ကောင်း ကြွင်းကျန်ဦးမည်ဖြစ်၏။ တိုက်ရေယာဉ် ၁၀၃ (မောင်သော်က) ကျွန်တော်သိတဲ့ အဖေ့အကြောင်း (အောင်မြိုင်သင်း) ရေးသားသော စာအုပ်ကို ဖတ်ပြီးသည့်နောက်တွင် ဗိုလ်ကြီး သော်က အကြောင်းသိချင်စိတ် ပြင်းပြလာသည်။ သူဘာတွေ ကြုံတွေ့ခဲ့ရသလဲ၊ ဘယ်လိုလူမျိုးလဲ ဆိုသည်ကို သိချင်စိတ်များ ပြင်းပလျက်ရှိရာ တိုက်ရေယာဉ် ၁၀၃ ကို ဖတ်ဖြစ်ခဲ့တယ်။ ပင်လယ်ထဲတွင် ရက်ပေါင်းများစွာ ရပ်တည်ရန် မည်သို့ကြိုးစားခဲ့ရသည်ကို ဖြစ်ရပ်မှန်အတိုင်းမြင်ရတာ ယုံတောင် မယုံနိုင်ဘူး (အံ့သြလွန်းလို့ပါ။...
